Mode "Derja": On
Music: On
...Action
واحد.. ثنين...ما نجّمشْ..
واحد..ثنين...تعبْت..
ساهلة ماهلة.. ما فيها شيّ..
و مجهـّمة عليّا..
نعرف نحسب عهدي بروحي...
آما الثّلاثة..كي الشّوكة في حلقي..
يا حسرة كي كانِتْ هيَّ الكلّْ...
كُلْ ما تِصْعاب الحكاية هيٌ تسَهِّلْ..
في الفُمّ كي العسلّ...
ماحلاها.. كانِتْ كيما السّرْ..
و في كلّ محضِرْ تحضِرْ...
كي نِنْساها فِيسَعْ نتْذَكِّرْ...
ما تصوِّرتهاش نهار تخلّيها بِيَّا..
حتّى باش نقولها يصير فيَّا...
ملاٌ زهر علِيّا...
واحد... ثنين...ايَّا يِزِّي...
توٌا إلّي فات مات...
وإلي مات فاتو شطرّ عُمرو...
وإلي عُمرو ما حسِبْ وَحْدو..
شَيْ ما فضُلُّو...
