تعرفشي كيفاه...زايد
...
والله كيما نحكيلك...
هيا موش غلطك كي تجي تشوف راهو...
اما صحة ليك..
و صحة ليه...
و صحة ليهم...
و صحة لل هواء..
و صحة لل ماء...
و صحة للشمس...
و صحة للغبرة...
تي كلها ماشية معاها...
كلها شايخة..
و كلها تحكي...
آه رد بالك...كلها تحكي...
كلها تفهملها...في كل شي من فضلك...
في الي يمشي...
في الي يجي...
في الي قاعد على روحو...لا يخبش و لا يدبش...
و في الظهورات...
و في العروسات...
و لحفار لقبورات...
كلها تحكي...
إلي يستحق...لا يحقلو حق...
و إلي ما يستحق...كل شي يجيه في طبق...
و إلي يقلق.. يتخنق و يتفلق...
و الي في الماء يبقبق...
وإلي دزّوه ياخي غرق...
و إلي فجعوه قام يسدّ في الشق...
و إلي كي الناموس يبخّر بريحة الحبق...
و إلي قال خلّي نهجّ...يلقا كل شي سبق
و إلي بلع السكّينة بدمها...قال خلّي عزاها سكات
وانتي؟ تحكي؟......
No comments:
Post a Comment